Навукоўцы зрабілі незвычайнае адкрыццё аб маланках

Даследаванне мае вельмі вялікае значэнне для навукі.

Японскія фізікі здолелі высветліць, што маланкі выклікаюць ператварэнне атамных ядраў.

Раней уважалася, што такое можа ўтварыцца толькі ў выніку шэрагу рэакцый, якія правакаваліся касмічнымі праменямі, піша Телеграф.

Ядзерныя рэакцыі навукоўцы здолелі зафіксаваць падчас навальніцы ў Японіі ўзімку гэтага года. Падчас правядзення эксперыменту навукоўцы ўстанавілі, што ў час навальніцы адбываюцца тры тыпы гама-выбліскаў. Свячэнне, якое назіраецца падчас маланак, уяўляе сабой анігіляцыі, то бок, рэакцыю паміж рэчывам і антырэчывам. Так, на думку навукоўцаў, у атмасферы ствараюцца пазітроны, антычасцінкі электронаў.

Леанід Бабіч, супрацоўнік Усерасейскага НДІ эксперыментальнай фізікі ў Саратаве, пракаментаваў адкрыццё. Ён адзначыў, што назіранні японскіх фізікаў маюць вельмі вялікае значэнне для навукі, бо дапамаглі знайсці яшчэ адну крыніцу ізатопаў у атмасферы Зямлі. Фізік выказаў здагадку, што такія працэсы могуць адбывацца і на іншых планетах і заявіў, што не выключаецца магчымасць таго, што расейскія навукоўцы неўзабаве правядуць адпаведнае даследаванне.