У Менскім заапарку пасяліўся лемур Джуліян

Каціны лемур Джуліян прыехаў у Менск з Новасібірска.

Нядаўна ў Менскім заапарку пасяліўся юны лемур. Яму яшчэ няма і года, а кіраўніцтва ўстановы ўжо будуе сур'ёзныя планы адносна ягоных нашчадкаў, бо раней у заапарку жылі толькі дзве самкі. Tut.by паглядзеў на новенькага ў вальеры і даведаўся пра Джуліяна падрабязней.

Каціны лемур Джуліян прыехаў з Новасібірска. У Менску яго адразу падсялілі да дзвюх дзяўчатак. Ён яшчэ зусім юны – нарадзіўся ў сакавіку. У заапарку вельмі спадзяюцца, што ён пасябруе з самкамі і яны створаць сям'ю. Толькі Джуліяну трэба крыху падрасці. Дарослым ён будзе меркавацца ў тры гады.

Журналісты прыйшлі да кацінага лемура, калі жывёлкі ўтрох, сцяўшыся, сядзяць у куце. У вальеры ў жывёлаў – канаты, лесвіцы, ёсць нават кардонны Дзед Мароз. Новага хлопчыка знайсці спачатку не так ужо і проста. Заатэхніца Настасся падказвае, што ў яго большая галава і меншыя вочы, чым у самак.

– Калі яго да дзяўчатак пасадзілі, яны больш актыўныя сталі. Раней дзяўчаткі проста спалі і нічога такога не рабілі. А ён іх разварушыў.

Заатэхніца кажа, што Джуліян у адрозненне ад самак можа і з рук у яе есці і дасць сябе пагладзіць.

– Джуліян любіць на Дзеда Мароза залезці, на краты. А ўдзень яны сядзяць і вылізваюць, вычэсваць адно аднаго – клапоцяцца так.

Лемур – жывёла начная. Рухацца пачынае бліжэй да вечару. Метадыстка заапарка Наталля Мыслейка кажа, што лемуры вельмі рухомыя.

– Каб яны не сумавалі, нашы заатэхнікі спецыяльна ствараюць пэўныя ўмовы. Каб жывёлы не страчвалі свае навыкі, ім заварочваюць ежу ў скрынкі, запіхваюць у арэхі. Лемуры ядуць арэхі, садавіну, адварную гародніну, гарох і іншае.

Гэта прымушае жывёлаў прыдумляць новыя спосабы здабывання ежы. Так яны паводзяць сябе больш актыўна і больш выдаткоўваюць часу на здабычу ежы – як і ў прыродных умовах.