Відэафакт: Замежнікі з 30 краін свету павіншавалі гарадзенцаў з Новым годам па-беларуску

Арыгінальнае віншаванне з надыходзячымі святамі.

Пакуль вы бегаеце ў пераднавагодняй мітусні па крамах, для вас запісалі навагодняе віншаванне. Зробленае яно ў выглядзе цікавага эксперыменту, і гучыць вельмі незвычайна.

Павіншаваць беларусаў наважылі замежнікі з розных кантынентаў, якія часова або стала пражываюць у Гародні, піша s13.ru.

Да віншаванняў далучыліся прадстаўнікі блізу 30 краін свету. Сярод іх грамадзяне Эквадора, Танзаніі, Зімбабвэ, Мальдыўскай рэспублікі, Самалі, Індыі, Марока і іншых дзяржаў. Удзельнікі роліка віншуюць гарадзенцаў на беларускай мове.

Аднак, зрабіць гэта ўдзельнікам было зусім няпроста. Многія з іх не толькі не ведалі беларускай і расейскай мовы, але і слаба валодалі ангельскай. Таму асноўнай складанасцю для здымачнай групы была нават не пастаноўка больш менш выразнага вымаўлення, а растлумачыць дзецям, што ім трэба зрабіць.

Паглядзіце, што з гэтага атрымалася.