Беларусы патрабуюць ад уладаў разабрацца ў справе Максіма Мархалюка

Хлопчык знік у Белавежскай пушчы больш за два месяцы таму.

Усяго за два дні петыцыя з нагоды знікнення і пошуку Максіма Мархалюка сабрала амаль 2 тысячы подпісаў. Аўтары накіруюць Лукашэнку, а таксама ў СК, МУС і Генпракуратуру ліст пра сваю турботу за лёс хлопчыка, піша kp.by.

- Самая маштабная пошукавая аперацыя скончылася безвынікова. Версія аб «згубе ў лесе» не знаходзіць водгуку ні ў мясцовых жыхароў, ні ва ўсіх неабыякавых людзей, якія будуць сачыць за ходам расследавання. Мяркуем, што крымінальная версія ў расследаванні знікнення Максіма павінна быць прыярытэтнай. Ёсць шэраг мерапрыемстваў, якія павінны былі быць праведзеныя, але з розных прычын так і не адбыліся. мяркуем, што следчыя мерапрыемствы праводзяцца не цалкам, не сістэмна і без належнай увагі, - пішуць аўтары звароту.

У петыцыі патрабуюць «правесці ўсе неабходныя следчыя дзеянні, з выкарыстаннем усіх сучасных методык, з выкарыстаннем усяго арсенала спецсродкаў і абсталявання».

10-гадовы хлопчык 16 верасня пайшоў у грыбы ў пушчу і знік. У ягоных пошуках удзельнічалі мясцовыя жыхары, выратавальнікі, міліцыянты, вайскоўцы, валанцёры і нават экстрасэнсы.