Пуцін канчаткова «ўсіх перагуляў»

Ядзерная зброя прэзідэнту Расеі ўжо не дапаможа.

Адхіленне нацыянальнай каманды Расеі ад удзелу ў Алімпійскіх гульнях-2018 у Пхенчхане з'яўляецца вышэйшай мерай справядлівасці ў адказ на тую дзяржаўную праграму допінгу, якая ажыццяўлялася расейскай уладай на чале з Уладзімірам Пуціным. Такое меркаванне выказаў «Апострафу» расейскі блогер і фінансіст Слава Рабіновіч.

Дыскваліфікацыя і адхіленне расейскай алімпійскай нацыянальнай каманды ад Гульняў у Паўднёвай Карэі з'яўляецца наўпроставым следствам дзяржаўнай праграмы допінгу. Гэта не індывідуальная дыскваліфікацыя асобных спартоўцаў, якія прымалі і прымаюць допінг. Ніводная дзяржава ў свеце раней не зазнавала такіх санкцый, каб уся нацыянальная каманда была дыскваліфікаваная за допінг асобных спартоўцаў.

У гэтым выпадку РФ зазнала санкцыі за тую дзяржаўную праграму, якая была прыведзеная ў дзеянне расейскай так званай уладай. Гэтая праграма ўключала ў сябе ўказанні з самага верху, ад Пуціна. Яна ішла ўніз, на той момант да міністра спорту Віталя Мутко, які ў гэты момант падвышаны на пасады і з'яўляецца віцэ-прэм'ерам расейскага ўрада. У гэтым удзельнічала ФСБ. На ўвесь свет вядомыя ганебныя гісторыі з падменай слоічкаў з мачой, дзе супрацоўнікі ФСБ мянялі допінг-пробы аналізаў спартоўцаў. І менавіта за дзяржаўную палітыку допінгу расейская нацыянальная каманда адхіленая ад Гульняў.

У гэтых дачыненнях дзіўным чынам была здзейсненая так званая #многахадовачка і # Пуцінусіхперагуляў. Таму што трэба было яшчэ так прымудрыцца - гэта не так проста зрабіць. Каб спачатку правесці ўласную Алімпіяду ў 2014 годзе, між іншым, за 50 мільярдаў даляраў - а гэта грошы падаткааплатнікаў, 60 адсоткаў з якіх былі скрадзеныя. Потым, на падставе гэтай Алімпіяды быць адхіленымі ад наступнай зімовай Алімпіяды ў 2018 годзе. І пры гэтым, павольным тэмпам, але ўсё ж саступіць на Алімпіядзе-2014 у камандным заліку. І, фактычна, не проста аддаць (медалі), а зазнаць зневажальную працэдуру канфіскацыі медалёў за 2014 год, зняславіцца на ўвесь свет з гэтымі слоічкамі з мачой. Пры гэтым на наступнай Алімпіядзе ў Паўднёвай Карэі адбудзецца ўрачыстая цырымонія ўзнагароджання медалямі тых спартоўцаў, у якіх гэтыя ўзнагароды былі адабраныя расейскімі злодзеямі.

Бо як звычайна праходзіць дыскваліфікацыя? Спартовец ужывае допінг, у яго ёсць трэнер і лекар, іх ловяць на допінгу, пасля чаго яны адхіляюцца ад спаборніцтваў. І Міжнародны алімпійскі камітэт, а таксама нацыянальны алімпійскі камітэт, краіну якога ўяўляе спартовец, вызначаюць, якая мера дыскваліфікацыі канкрэтна гэтага спартоўца. А цяпер мы бачым выключны выпадак, які заснаваны на тым, што расейская дзяржава была злоўленая на дзяржаўнай праграме допінгу. Гэта не індывідуальныя спартоўцы, іх трэнеры і лекары. Гэтым займалася расейская дзяржава, уключаючы ўсё вышэйшае так званае палітычнае кіраўніцтва і сілавы апарат падаўлення ў асобе ФСБ.

Гэта калектыўная адказнасць, якая шмат у чым несправядлівая ў дачыненні да чыстых спартоўцаў. Але па-іншаму ніяк не зрабіць, па-іншаму не пакараць дзяржаўную праграму допінгу.

І пры гэтым, не забудземся, што ў кожнага чыстага спартоўца ёсць магчымасць паехаць на Алімпійскія гульні ў якасці алімпійскага спартоўца з РФ, не маючы расейскай сімволікі на форме. А калі хтосьці, дай Бог, з іх здабудзе нейкія медалі, то на цырымоніі ўзнагароджання не будзе гучаць расейскі гімн. Вось і ўсё. А ўсё астатняе, я думаю, зробленае справядліва. І пакуль РФ не задаволіць усе патрабаванні, якія накладае на яе МАК, яна і на далейшыя Алімпійскія гульні не будзе дапушчаная.

Што тычыцца заявы Святланы Хоркінай пра ядзерную зброю (алімпійская чэмпіёнка з РФ нагадала пра ядзерную зброю ў адказ на гучную забарона, - заўв.), то я магу сказаць дзве рэчы. Калі тытулаваны спартовец здабыў залаты, срэбраны ці бронзавы алімпійскі медаль, гэта не кажа пра тое, што ў яго ў галаве ёсць мазгі, а не пілавінне. І калі людзі з не самымі апошнімі імёнамі ў спорце пачынаюць ужываць рыторыку Кім Чэн Ына, то гэта прыніжае, перш за ўсё, усю Расейскую Федэрацыю, ад імя якой такая ідыётка як Святлана Хоркіна нясе такое трызненне.

Я проста спрабую зразумець. Вось калі б эквівалент Святланы Хоркінай быў бы дзе-небудзь у ЗША ці ў якой-небудзь іншай ядзернай дзяржаве, і якая-небудзь спартоўка з ЗША ці Вялікай Брытаніі сказала б тое ж самае. Цікава, што з ёй наогул было б - як у публічным полі, так і ў прававым? У гэтым і ёсць рэпутацыя, як самой Хоркінай, так і ўсёй Расейскай Федэрацыі, якая не стварае наступстваў для такіх выказванняў як з пункту гледжання публічнага асуджэння, так і з пункту гледжання прававой ацэнкі такіх словаў.

Калі б алімпійскі скандал развіваўся па-іншаму сцэнару з пункту гледжання рэакцыі расейскага боку; калі б Мутко быў звольнены і прыцягнуты да адказнасці; калі б быў звольнены кіраўнік ФСБ [Аляксандр] Бортнікаў; калі б былі прыцягнуты да адказнасці службовыя асобы з ФСБ, РУСАДА, НАК Расеі; калі б быў прыцягнуты да адказнасці і зняты з пасады кіраўнік НАК Аляксандр Жукаў і калі б НАК Расеі і РУСАДА супрацоўнічалі б з МАК і ВАДА, то расейская нацыянальная каманда паехала б на Алімпіяду ў Паўднёвай Карэі ў складзе чыстых спартоўцаў, але гэта была б алімпійская нацыянальная каманда Расеі. А паколькі рэакцыя была такая, што «мы ўсё адмаўляем, а сваіх не здаём», але пад геніяльным кіраўніцтвам геніяльнага стратэга Пуціна, то ўсё апынулася ў адным месцы, якое пачынаецца з літары «ж».