18 лiпеня 2019, Чацвер, 15:03
Мы ў адной лодцы
Рубрыкі

На мяжы з Расеяй адкрылі стральбу па грузавіку, які пратараніў аўто ДАІ

22
ФОТА: ДАІ Магаблвыканкама

Кіроўца грузавіка пакінуў аўтамабіль і схаваўся пасля 16 стрэлаў.

Пагоня ДАІ за грузавіком з металалом у Мсціслаўскім раёне 7 снежня скончылася стральбой. Кіроўца ЗіЛ спрабаваў прарвацца праз мяжу ў Расею, пятляў па палях, тараніў машыну ДАІ, а пасля ўцёк. Мужчыну шукаюць, піша tut.by.

Блізу 15.00 двое інспектараў ДПС на дарозе Мсціслаў - Парадзіна - мяжа РФ каля вёскі Парадзіна ўбачылі надыходзячы грузавік без рэгістрацыйных знакаў. ЗіЛ вёз металалом.

- Кіроўца грузавіка на пададзены жазлом сігнал аб спыненні не адрэагаваў,

з'ехаў на палявую дарогу і стаў з'язджаць у бок Расейскай Федэрацыі.

Інспектары на службовай машыне пачалі пераследаваць парушальніка, - распавёў прадстаўнік абласной ДАІ Андрэй Калеснік.

Кіроўца грузавіка патрабаванні аб прыпыненні ігнараваў і спрабаваў тараніць машыну ДАІ. Інспектары вызначылі страляць, пагоня ўжо праходзіла ў лесе. Спачатку - тры стрэлы ў паветра. ЗіЛ не спыняўся. Яшчэ 13 стрэлаў па колах - і задняе левае кола грузавіка пашкоджанае.

Машына ДАІ засела ў гразі. Гружаны ж грузавік з прабітым колам праехаў яшчэ метраў 300 і спыніўся. Калі інспектары падбеглі да кабіны, кіроўцы ўжо не было - ён збег. У кузаве ЗіЛ выявілі блізу 7 тон чорнага металу.