У Гомелі пройдзе першы ў Беларусі суд «дармаеда» супраць уладаў
15- 14.02.2017, 9:25
- 23,514
Гамяльчук мае намер даводзіць незаконнасць указу Лукашэнкі.
У аўторак, 14 лютага, у Гомелі пройдзе першы ў Беларусі суд «дармаеда» супраць дзяржавы.
53-гадовы Аляксандр Сямёнаў збіраецца даводзіць незаконнасць «падатку на дармаедаў», супярэчнасць дэкрэта кіраўніка дзяржавы Канстытуцыі. Таксама ён хоча дамагчыся прызнання свайго ўдзелу ў фінансаванні дзяржаўных расходаў і непрымянення да яго дэкрэта, паведамляе Еўрарадыё.
Сямёнаў мае 28 гадоў працоўнага стажу, з 2013 года афіцыйна лічыцца беспрацоўным, працу ў Беларусі знайсці не змог, займаўся бізнэсам у Расеі. У 2015 годзе вымушаны быў вярнуцца на радзіму, жыў на свае ашчаджанні.
Аляксандру Сямёнаву дапамагае супрацоўнік незалежнага прафсаюза РЭП, юрыст і праваабаронца Леанід Судаленка.