Алесь Бяляцкі: Мы ўжо не постсавецкае грамадства
- 3.09.2026, 22:59
Вядомы беларускі праваабаронца выступіў на Нобелеўскай канферэнцыі.
Лаўрэат Нобелеўскай прэміі 2022 года, праваабаронца Алесь Бяляцкі выступіў на Нобелеўскай канферэнцыі ў секцыі «Абарона дэмакратыі ва ўмовах узрастання аўтарытарызму». «Радыё Свабода» абрала самыя яскравыя цытаты з ягонай прамовы.
«Усе аўтарытарныя рэжымы падобныя адзін да аднаго. Я шмат чытаў пра Іран і Венесуэлу і кожны раз параўноўваю тамтэйшыя рэжымы з сітуацыяй у нашай краіне. Шмат агульнага. І не толькі дэмакратычныя сілы супрацоўнічаюць паміж сабой — дыктатуры таксама навучыліся супрацоўнічаць».
«Мы ўжо не постсавецкае грамадства. Мы — грамадства, якое падтрымлівае дэмакратыю. Але ўлады не змяніліся».
«З самага пачатку я ясна разумеў: Нобелеўскую прэмію міру прысудзілі мне, але я — толькі адзін з сотняў тысяч беларусаў, якія хочуць бачыць Беларусь дэмакратычнай еўрапейскай краінай».
«Апошнія гады былі вельмі цяжкімі, але я не шкадую ні аб адным дні. Калі мы былі маладымі, калі нам было па 20 гадоў, мы марылі пра вольную і дэмакратычную Беларусь. Гэтая мара дагэтуль не спраўдзілася. Таму нам яшчэ ёсць што рабіць — у Венесуэле, Іране і Беларусі».
«Дыктатуры аб’ядноўваюцца, таму ўсе сілы, што выступаюць за дэмакратыю і правы чалавека, таксама павінны аб’ядноўвацца, бо выклікаў у свеце становіцца ўсё больш. І гэта не дробныя выклікі. Яны існуюць у дыктатурах, але яны ёсць і ў дэмакратычных краінах. Мы бачым вельмі сур’ёзныя праблемы ў еўрапейскіх краінах. Усё гучней заяўляюць пра сябе крайнія правыя. Мы бачым усё больш папулістаў».
Поўнасцю выступ Бяляцкага можна паглядзець на YouTube (пачатак — з 46‑й хвіліны).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
