Падтрымаць «дармаеда» ў суд прыйшлі дзясяткі гамельчукоў

Аляксандр Сямёнаў дамагаецца прызнання абсурднага падатку незаконным.

Раніцай 14 лютага ў Гомелі, у Цэнтральны раённы суд падтрымаць «дармаеда» прыйшлі блізу 50 чалавек, паведамляе «Еўрарадыё». 53-гадовы Аляксандр Сямёнаў збіраецца давесці незаконнасць «падатку».

Ён дамагаецца, каб суд прызнаў ягоны ўдзел у фінансаванні дзяржаўных выдаткаў і непрымянення да яго дэкрэту. Высветлілася, што ўсе людзі не змогуць патрапіць на працэс, у залю зможа змясціцца крыху больш за трох дзясяткаў чалавек.

Нагадаем, Марш абураных беларусаў адбудзецца 17 лютага а 18 гадзін на Кастрычніцкай плошчы ў Менску.