Экспэрты не змаглі вызначыць прычыну смерці Чуркіна
47- 22.02.2017, 10:30
- 10,086
Спатрэбяцца дадатковыя аналізы і праверкі.
Нью-ёркскія медэкспэрты не змаглі высветліць прычыну раптоўнай смерці сталага прадстаўніка Расеі пры ААН Віталя Чуркіна, паведамляе «Голас Амерыкі».
Медэкспэрты прыйшлі да высновы аб неабходнасці дадатковых даследаванняў, уключаючы таксікалагічныя аналізы і іншыя праверкі.
Толькі пасля гэтага яны змогуць сказаць, чаму Чуркін раптоўна сканаў у панядзелак ва ўзросце 64 гадоў. На правядзенне дадатковых аналізаў можа спатрэбіцца некалькі тыдняў.
Чуркін займаў пасаду сталага прадстаўніка Расеі пры ААН з 2006 года. Сярод паслоў дзяржаў-чальцоў Рады Бяспекі ААН ён даўжэй за ўсіх займаў гэтую пасаду.