Беларускія прадпрыемствы прадаўжаюць працаваць на склад
6- 27.02.2017, 18:02
- 16,201
«Першынство» ў сумнеўным рэйтынгу ўтрымлівае лёгкая прамысловасць.
Паводле стану на 1 лютым ўзровень складскіх запасаў дасягнуў 69,9% ад сярэднямесячнага аб'ёму вытворчасці.
У Беларусі вырас узровень складскіх запасаў у прамысловасці. Паводле стану на 1 лютага ён склаў 69,9% ад сярэднямесячнага аб'ёму вытворчасці, што на 3% вышэй, чым на пачатак года. Нагадаем, што за студзень у Беларусі адзначаўся рост прамвытворчасці ў супастаўных коштах на 5,9%, піша belmarket.by.
Агулам запасы прадукцыі ў прамысловасці дасягнулі 3,86 рублёў.
Прыкметна вырас узровень запасаў у вытворчасці транспартных сродкаў і абсталявання. Ён павялічыўся з 1,7 аб'ёмаў месячнай вытворчасці ў студзені да 2 аб'ёмаў на 1 лютага або да 383,9 млн рублёў. Пры гэтым у студзені аб'ёмы вытворчасці выраслі на 22,8% у параўнанні з аналагічным месяцам 2016 года.
Выраслі запасы ў вытворчасці гумовых і пластмасавых вырабаў з 89,3% да 114,6% сярэднямесячнага аб'ёму вытворчасці, або да 337,4 млн рублёў.
У лёгкай прамысловасці адзначаецца самы высокі ўзровень запасаў. Яны ў 2,86 разы большыя за аб'ём вытворчасці і дасягаюць 469,5 млн рублёў. За месяц узровень запасаў вырас на 42,7 а.п.