Шуневіч: Прадаўжаем «капаць» пад Данкверта

Міністр МУС Беларусі заявіў, што міністэрства знаходзіцца ў стадыі збору інфармацыі.

МУС Беларусі прадаўжае даследчыя праверкі ў «справе Данкверта», заявіў міністр унутраных спраў краіны Ігар Шуневіч.

«Цяпер МУС зарэгістравана некалькі матэрыялаў, праводзіцца даследчая праверка», - сказаў І.Шуневіч у аўторак журналістам, адзначыўшы, што міністэрства цяпер збірае інфармацыю.

«Пакуль казаць пра вынікі не стаў бы, праверка ў разгары», - дадаў міністр.

У пачатку лютага Лукашэнка выказаў абурэнне з нагоды забароны на пастаўкі ў РФ прадукцыі з многіх прадпрыемстваў рэспублікі і заявіў, што ў дачыненні да кіраўніка Рассельгаснагляду Сяргея Данкверта неабходна распачаць крымінальную справу за «прычыненне шкоды дзяржаве». Пасля гэтага МУС Беларусі пачало праверку.

С.Данкверт назваў гэтую заяву ціскам на яго асабіста і на службу агулам. Прэтэнзіі Рассельгаснагляду да беларускай прадукцыі звязаныя выключна з парушэннем яе вытворцамі расейскіх патрабаванняў і невыкананнем тэхрэгламентаў МС, падкрэсліваў не раз кіраўнік Рассельгаснагляду.

15 лютага С.Данкверт паведаміў, што Рассельгаснагляд атрымаў з пракуратуры РФ пытанні, якія паставіла пракуратура Беларусі ў сувязі з правядзеннем МУС рэспублікі праверкі ў дачыненні да кіраўніка службы.

«Афіцыйна з нашай пракуратуры прыйшоў зварот, якія пытанні задалі ў беларускай пракуратуры, рыхтуем на іх адказы, гэта нармальна», - заявіў С.Данкверт журналістам.