Урад Малдовы адклікаў амбасадара з Расеі
- 1.03.2017, 19:38
- 21,562
Прычыны адклікання дыпламата не ўдакладняюцца.
Урад Малдовы адклікае з пасады пасла ў РФ Дзмітрыя Брагіша, які таксама ўзначальваў дыпламатычнае прадстаўніцтва рэспублікі ў Таджыкістане. Такая пастанова была прынятая на пасяджэнні кабінета міністраў, піша tass.ru.
Праект пастановы прадставіла намесніца міністра замежных спраў і еўрапейскай інтэграцыі Даніэла Марар, якая не патлумачыла прычыны адклікання дыпламата.
У прэс-службе замежнапалітычнага міністэрства таксама адмовіліся яе каментаваць. Згодна з мясцовым заканадаўствам, гэтую пастанову павінен ухваліць прэзідэнт Малдовы Ігар Дадон.
Брагіш займаў пасаду амбасадара ў Расеі і Таджыкістане з 27 лістапада 2015 года. З 1999 да 2001 года ён узначальваў урад за прэзідэнтам Пятром Лучынскім.