Крывушэнка прызначаны в. а. галоўнага трэнера каманды Беларусі
4- 1.03.2017, 19:48
- 27,105
Дакументальна стасункі будуць зарэгістраваныя найбліжэйшымі днямі.
Сёння адбылася сустрэча паміж старшынём АБФФ Сяргеем Румасам і беларускім трэнерам Ігарам Крывушэнкам. Вынікам размовы стала дамоўленасць аб прызначэнні айчыннага спецыяліста на пасаду галоўнага трэнера нацыянальнай каманды краіны ў якасці выканаўцы абавязкаў, паведамляе афіцыйны сайт АБФФ.
Дакументальна стасункі будуць зарэгістраваныя найбліжэйшымі днямі.
Ігар Крывушэнка двойчы здабываў чэмпіёнства з футбольным клубам БАТЭ (2006, 2007), двойчы здабываў Кубак Беларусі з БАТЭ ў 2006 годзе і жодзінскім «Тарпеда-БелАЗ» у 2016 годзе, а таксама вывеў расейскі футбольны клуб «Сібір» у Прэм'ер-лігу за дэбютны сэзон і дайшоў з ім да фіналу Кубка Расеі-2010.
Спецыяліст таксама паспеў папрацаваць з футбольным клубам «Дынама-Мінск», які прывёў да сярэбраных медалёў чэмпіянату Беларусі ў сезоне 2008.
Каманда Беларусі заставалася без галоўнага трэнера з снежня 2016-га, калі быў звольнены Аляксандр Хацкевіч.
АБФФ правяла перамовы з некалькімі кандыдатамі, але іхнія прозвішчы афіцыйна не абвяшчаліся. У СМІ мільгалі імёны блізу дзясятка прэтэндэнтаў.