12 снежня 2017, aўторак, 16:54

Беларусь абмежавала ўвоз свініны з Украіны і Літвы

4

Таксама абмежаваныя пастаўкі кармоў і кармавых дабавак расліннага і жывёльнага паходжання.

Гэта звязана з выпадкамі захворвання ў Херсонскай вобласці афрыканскай чумой свіней, піша korrespondent.net.

Беларусь часова абмежавала ўвоз свініны з Херсонскай вобласці Украіны, а таксама з Вуценскага і Панявежскага паветаў Літвы, паведамілі ў міністэрстве сельскай гаспадаркі і харчавання Беларусі.

У прэс-службе ўстановы патлумачылі гэтыя выпадкамі захворвання ў гэтых рэгіёнах афрыканскай чумой свіней.

Таксама ўведзеныя абмежаванні на пастаўкі кармоў і кармавых дабавак расліннага і жывёльнага паходжання для жывёл, у тым ліку з птушкі і рыбы.

Акрамя таго, абмежаваны ўвоз ужыванага абсталявання для транспартавання свіней і сыравіны (прадукцыі) жывёльнага паходжання, утрымання, забою і разбору свіней.

Гэтыя абмежаванні распаўсюджваюцца і на ўвоз харчовых дабавак для катоў і сабак, якія прайшлі тэрмічную апрацоўку, вырабленыяса свінагадоўчай сыравіны з гэтых рэгіёнаў.