Улады гатовыя прадаць акцыі 514 прадпрыемстваў
70- 21.03.2017, 17:05
- 28,301
Сярод іх «Нафтан», «Белавія», «Беларуськалій» і МАЗ.
Дзяржкаммаёмасць Беларусі абвясціла аб правядзенні работ у продажы акцый акцыянерных таварыстваў і прадпрыемстваў з доляй дзяржуласнасці, паведамляе interfax.by. Усяго ў гэтым пераліку 514 прадпрыемстваў.
«Дзяржаўны камітэт маёмасці абвясціў аб правядзенні работ для продажу на аўкцыёнах і ў конкурсе, акцый акцыянерных таварыстваў і прадпрыемстваў, якія належаць Рэспубліцы Беларусь, як маёмасных комплексаў рэспубліканскіх унітарных прадпрыемстваў», - праінфармавалі ў камітэце.
Напрыклад, дзяржава гатовая прадаць свае акцыі ў такіх прадпрыемствах, як «Авіякампанія «Белавія», «Беларуськалій», «Нафтан», БелАЗ, МАЗ, БАТЭ, «Атлант», «Гомельдрэў», «Гомсельмаш», «Керамін» і нават «Другі нацыянальны тэлеканал».
Таксама да прыватызацыі прапануецца цэлы шэраг прадпрыемстваў вайскова-прамысловага комплексу - барысаўскія «140 рамонтны завод» і «2566 завод у рамонце радыёэлектроннага ўзбраення», баранавіцкі «558 АРЗ», менскія «МЗКЦ» і «КБ Радар - кіроўная кампанія холдынгу «Сістэмы радыёлакацыі».
У дзяржкамітэце маёмасці нагадалі, што продаж прыналежных Беларусі акцый акцыянерных таварыстваў і прадпрыемстваў як маёмасных комплексаў вядзецца на пастанову Лукашэнкі.
Пачатковы кошт продажу аб'ектаў прыватызацыі ўстанаўліваецца іх рынкавым коштам. Вызначэнне рынкавай ацэнкі акцый вядзецца
пасля прыняцця пастановы Лукашэнкам аб іх продажы.