На мяжы Беларусі з ЕЗ зноў вырасла чарга з аўтамабіляў
5- 3.03.2017, 9:28
- 14,217
Больш за 200 фур і 300 легкавых аўтамабіляў чакаюць выезду з краіны.
Больш за 200 фур і 300 легкавых аўтамабіляў чакаюць выезду з Беларусі. Такая інфармацыя размешчана на сайце Дзяржаўнага памежнага камітэта, паведамляе БелТА.
Паводле аператыўнай інфармацыі на 8.00 3 сакавіка, у чарзе на выезд з Беларусі ў Літву ў пункце пропуску «Каменны Лог» знаходзіцца 70 фур, у «Беняконях» - 21 грузавы аўтамабіль, у «Катлоўцы» - 30, у «Прывалцы» - 20 аўтамабіляў.
Выезду ў Латвію ў «Урбанах» чакаюць 65 грузавікоў.
На беларуска-польскай мяжы 314 легкавых аўтамабіляў зарэгістравана ў чарзе на выезд з Беларусі. У пункце пропуску «Брузгі» - 57, у «Бераставіцы» - 77, у «Дамачава» - 30, у «Берасце» - 150 машын.
На мяжы з Украінай чэргаў аўтамабіляў няма.