Названыя ўсе ўдзельнікі фэсту «Рок за Баброў»

Лайн-ап узмоцняць «Сплін», Anacondaz, Дай Дарогу і NaviBand.

22 ліпеня на аэрадроме «Баравая» пройдзе 10-ы фестываль «Рок за Баброў». Арганізатары пачалі рыхтаваць фестываль практычна адразу пасля таго, як прайшоў дэмантаж сцэны «Рок за Баброў». Да новага канцэрту арганізатары ўлічылі пажаданні наведвальнікаў мінулых фестываляў і ўжо дамовіліся з падрадчыкамі аб паляпшэнні ўмоў: будуць адкрытыя дадатковыя фудкорты, пашыраны зоны актыўнасці і ў некалькі разоў павялічыцца колькасць біяпрыбіральняў, піша tut.by.

Аднак галоўным героем гэтага фестывалю застаецца, вядома, музыка. Сёння «Рок за Баброў» абвясціў канчатковы склад удзельнікаў фэсту.

NaviBand - самы гучны поспех года, прадстаўнікі Беларусі на «Еўравізіі-2017» у Кіеве. Паводле ацэнак музычных крытыкаў і прыхільнікаў, гэты гурт ўпэўнена прэтэндуе на права называцца самым рамантычным беларускім дуэтам, а іх каціроўкі на выхад у фінал «Еўравізіі» досыць вялікія. Да прыкладу, нядаўняе выкананне імі знакамітага хіта Джамалы «1944» стала адкрыццём для Украіны, і нямала жыхароў гэтай краіны гатовыя аддаць Беларусі 12 балаў. «Кожная з песень з'яўляецца сапраўды падзеяй, калі-небудзь пражытай намі. Таму мы адчуваем, як граем, а граем, як адчуваем. Усё шчыра, а значыць, па-сапраўднаму», - распавядаюць музыкі пра сябе.

«Сплін» - адзін з самых папулярных рок-гуртоў Расеі. Роўна дваццаць гадоў таму Саша Васільеў праспяваў песню пра жуйку без цукру і ў раптоўна стаў зоркай. У адрозненне ад многіх артыстаў другой паловы 90-х гурт «Сплін» не стаў аднадзёнкай. Гэта пацвярджаюць 14 студыйных альбомаў і тысячы аншлагавых канцэртаў - гурт дагэтуль здольная збіраць стадыёны і вялікія фестывалі. У Менск музыкі прывязуць свае новыя і найлепшыя песні, а значыць, можна атрымаць выдатны зарад року і панастальгаваць пад галоўныя гіты гурта.

«Дай Дарогу» - берасцейскія хуліганы з рабочых раёнаў. Панк, перамяшаны з вар'яцкай энэргіяй і з лёгка запамінальнымі мелодыямі. На сцэне яны ўжо больш за 19 гадоў, «дайдарожнікі» здабылі статус аднаго з лідараў альтэрнатыўнага руху ў Беларусі і сімпатыі шматлікай аўдыторыі.

Anacondaz - расейскі хіп-хоп-гурт, які імкліва набірае лайкі і прагляды ў сацыяльных сетках. Альтэрнатыўны погляд на свет і на музыку не дазваляе гурту быць на TV ці радыё, але гэта не замінае ім ездзіць з аншлагавымі канцэртамі па клубах і фестывалях.

У сакавіку былі абвешчаныя першыя хэдлайнеры «Року за Баброў». Акрамя культавых «Чайфа» і «Касты», асаблівую ўвагу звяртае на сябе выступ праекта Brutto&Lyapis з праграмай Double Hot. Беларускі музыка Сяргей Міхалок выканае найлепшыя хіты «Брута» і «Ляпісаў», пры гэтым для «Року за Баброў» музыкамі будзе распрацаваная асаблівая музычная праграма.

- «Рок за Баброў» задаў сам сабе магутную планку апошнімі фестывалямі. Мы поўныя амбіцый перавысіць леташні поспех. За першы месяц ужо прададзена блізу трох тысяч квіткоў на «Рок за Баброў» - гэта выдатны паказчык, які сведчыць аб значнай увазе і адэкватнай коштавай палітыцы. Акрамя таго, ёсць шмат ахвотных прыехаць на «Рок за Баброў» з розных рэгіёнаў краіны і нават з-за мяжы. Ужо зробленая работа для далейшага ўдасканалення арганізацыі івэнту, яна будзе перавышаць многія летнія опэн-эйры ў Еўропе, - пракаментаваў першыя вынікі продажаў суарганізатар фестывалю «Рок за Баброў», дырэктар кампаніі «Джэцівент» Аляксандр Касач.

Як і было анансавана раней, да пачатку лета чакаецца павышэнне коштаў, аб якім будзе абвешчана дадаткова.