Мікалай Статкевіч: Няхай хлуслівы і ганебны дыктатар трасецца ад страху
27- 17.04.2017, 17:28
- 36,454
Усё скрадзенае - выбары, улада, палацы, грошы - давядзецца вярнуць народу.
Пра гэта адзін з лідараў Беларускага Нацыянальнага Кангрэсу Мікалай Статкевіч заявіў у звароце напярэдадні акцыі 1 траўня:
- 1 траўня, у Дзень Працы і Салідарнасці, мы запатрабуем ад улады рэалізацыі нашых канстытуцыйных правоў на годную працу і справядлівае ўзнагароджанне за яе, на годнае жыццё.
Мы збяромся а 14.00 у Дзень Працы і Салідарнасці ў самым цэнтры нашай сталіцы - на Кастрычніцкай плошчы Менска, каб Беларусь, грамадства і ўлада пачулі і ўбачылі нас.
Мы прымем рэзалюцыю, дзе абвесцім уладзе, што яна павінна зрабіць, каб жыццё народа стала лепшым.
Мы заявім пра салідарнасць з усімі незаконна асуджанымі за мірныя акцыі пратэсту і запатрабуем свабоды для арыштаваных паводле фальшывых абвінавачванняў.
Мы запатрабуем для сябе ўлады, абранай народам, падсправаздачнай народу і залежнай толькі ад народа.
Мы прыйдзем па сваё, па тое, што належыць нам па праву.
Хай хлуслівы і ганебны дыктатар трасецца ад страху. Усе выкрадзенае ў нас - выбары, улада, палацы, грошы, давядзецца вярнуць народу.
Улада народу!
Жыве Беларусь!