У Рэчыцкім раёне шукаюць прыбіральшчыцу за $3 на месяц

Аддзяленне пошты трэба прыбіраць кожны дзень акрамя выхадных, «калі ёсць час».

У вёсцы Ровенская Слабада Рэчыцкага раёна прыбіраць аддзяленне пошты запрашаюць за...6 рублёў на месяц. Гэта вынікае з абвесткі, якую даслалі слухачы «Еўрарадыё».

Як высвятляем, гэта не памылка, за штодзённую працу абяцаюць такі заробак.

«Не, гэта не памылка, такі заробак. Працаваць трэба штодня, як працуе аддзяленне сувязі, ва ўсякі зручны час згодна з графікам работы аддзялення», - адказалі па нумары, пазначаным у абвестцы.

Пры гэтым у аддзеле кадраў на пошце ў Рэчыцы паведамілі, што ў штаце ў Ровенскай Слабадзе няма прыбіральшчыцы.