Беларусам бракуе грошай на аплату камунальных паслуг

Агулам беларусы запазычыліся за камунальныя паслугі 63,4 мільёна даляраў.

Блізу 10% платнікаў Асіповіцкага раёна запазычыліся камунальнікам паводле пратэрмiнаваных рахункаў прыкладна 96 тысяч даляраў ЗША. Улічваючы, што асабовыя рахункі тут маюць 25500 асабістых гаспадарак, гаворка ідзе пра тое, што прыкладна 2500 сем'яў не могуць сабе дазволіць аплату камунальных паслуг на часе. А 82 сям'і не плацяць за кватэру ўжо больш за паўгода. Мясцовыя ўлады пакуль не прыдумалі нічога новага і толькі папярэджваюць жыхароў аб жорсткіх санкцыях у дачыненні да няплатнікаў, піша 6tv.by.

Метадаў ціску некалькі. Спачатку, у выпадку нявыплаты за адзін месяц, вінаватым тэлефануюць. У другі месяц ужо выпісваецца папярэджанне аб адлучэнні ад камунальных паслуг, а на трэці ідзе выдача натарыяльных надпісаў, якія адпраўляюцца ў суд для прымусовага спагнання завінавачанасці - зафіксавана ўжо 527 такіх выпадкаў. Некаторым няплатнікам сапраўды вымыкаюць электрычнасць і водаправод. З пачатку года было выдадзена 217 прадпісанняў на адлучэнне камунальных паслуг, большасць з якіх - 172 гаспадаркі - унеслі плату. Але ў 45 кватэрах былі вымкнутыя святло альбо вада.

Драматычна выглядае сітуацыя з наймальнікамі жылых памяшканняў дзяржаўнага жыллёвага фонду - гэта значыць, жыхарамі дзяржаўных непрыватызаваных кватэр. У выпадку шасцімесячнай запазычанасці іх высяляюць паводле прысуду ў іншае жытло меншай плошчы і не заўсёды з выгодамі. У Асіповічах ужо зафіксаваныя пяць такіх выпадкаў: у сакавіку праз запазычанасць прыкладна на тысячу даляраў жанчына пазбавілася трохпакаёвай кватэры, прыкладна ў гэты ж час з завінавачанасцю 900 даляраў з сваёй «двухпакаёўкі» выехаў нядбайны асіповец і яшчэ тры пазовы цяпер разглядаюцца ў судзе. Выйсця з сітуацыі пакуль не відаць. Праз глыбокі крызіс, магчыма, уладам давядзецца мяняць правілы гульні ў бок змяншэння цяжару няплатнікаў. Бо ўсё беларусы запазычыліся за камунальныя паслугі 63,4 мільёна даляраў.