МЗС Аўстраліі адказала на пагрозы КНДР нанесці ядзерны ўдар

Кіраўніца МЗС Аўстраліі параіла Паўночнай Карэі ўкладваць грошы ў свой «шматпакутны народ».

Міністарка замежных спраў Аўстраліі Джулі Бішоп адказала на заяву паўночнакарэйскага дыпламата, які прыстрашыў яе дзяржаве ядзерным ударам у выпадку працягу «праамерыканскай палітыкі».

Пра гэта паведамляе Sydney Morning Herald.

Кіраўніца аўстралійскага МЗС заявіла, што рэжыму КНДР варта выдаткоўваць грошы не на стварэнне зброі масавай паразы, а на «свой шматпакутны народ».

Раней Сharter.97.org паведамляў пра тое, што Паўночная Карэя пагражае Аўстраліі ядзерным ударам. Прычынай выказаных пагроз стала заява кіраўніцы МЗС Аўстраліі пра тое, што КНДР неабходна стрымліваць.