Кошт нафты знізіўся праз перанасычэнне рынку

Здабыча нафты ў ЗША расце дзясяты тыдзень запар.

Кошт нафты знізіўся раніцай у чацвер праз боязь пра захоўванне лішку прапановы на сусветным рынку.

Да 9.17 кошты нафты гатунку Brent апусціліся на 0,37 адсотка да $51,63 за барэль.

Ф'ючэрсы на амерыканскую нафту WTI дагэтуль прадаваліся на адзнацы $49,37 за барэль, на 0,5 адсотка ніжэй за папярэдняе закрыцця.

На думку аналітыка «Рэйтэр» Ван Тао, «Brent цяпер паказвае нейтральную дынаміку ў дыяпазоне $51,30 - $52,32 за барэль».

Трэйдары адзначаюць, што прычынай назіранага ў апошнія тыдні зніжэння коштаў з'яўляецца захаванне перанасычанасці сусветнага рынку, нягледзячы на скарачэнне здабычы чальцамі нафтаэкспаартнага картэля OPEC і дзяржавамі, якія не ўваходзяць у групу, уключаючы Расею.

Запасы нафты ў ЗША, нягледзячы на зніжэнне за мінулы тыдзень, блізкія да рэкордных. Акрамя таго, запасы бензіну выраслі на 3,4 мільёна барэляў да 241,04 мільёна барэляў, тады як аналітыкі прадказвалі зніжэнне на 1 мільён барэляў. Рост запасаў бензіну тлумачыцца тым, што НПЗ выпусцілі больш паліва, чым трэба рынку.

Здабыча нафты ў ЗША няўхільна расце і сёння складае 9,27 мільёна барэляў за дзень, што на 10 адсоткаў вышэй у параўнанні з узроўнем сярэдзіны 2016 года.

«Здабыча нафты ў ЗША расце дзясяты (тыдзень) запар... павялічыўшыся да максімуму за амаль два гады», - сказаў Стывен Шорк.