Пагорак пад вежай Навагрудскага замка пакрыўся вялізнымі расколінамі
6- 30.04.2017, 11:33
- 28,307
Апошняе ўмацаванне грунтоў ля падножжа вежаў замка праводзілася зімой 2013 года.
Так выглядае адхон замкавай гары з боку вуліцы Першамайскай у канцы красавіка 2017 года.
На адхоне замкавай гары ў Наваградку з'явіліся новыя расколіны. Ствараецца ўражанне, што велізарны пласт грунту вось-вось можа спаўзці ўніз па схіле, піша «Салідарнасць».
Так гэты ўчастак схілу выглядаў у траўні 2016-га...
...і ў верасні мінулага года
Нагадаем, што першыя расколіны каля закансерваванай вежы з'явіліся ў траўні мінулага года. Яны ўтварыліся ў падножжы Касцельнай вежы.
Рэстаўрацыя навагрудскага замка, помніка гісторыі і архітэктуры XIII-XVI стагоддзяў, адбываецца ў рамках дзяржпраграмы «Замкі Беларусі».
Умацаванне грунтоў ля падножжа вежаў замка праводзілася зімой 2013 года. Тады было зроблена блізу 100 свідравін, у якія залілі спецыяльны раствор.