Памёр касманаўт Георгій Грэчка
16- 8.04.2017, 13:22
- 28,926
Удзельнік трох касмічных экспедыцый Георгій Грэчка памёр ва ўзросце 85 гадоў.
Уночы 8 красавіка ў Маскве памёр лётчык-касманаўт СССР Георгій Грэчка. Яму было 85 гадоў, паведамляе РБК.
Дачка касманаўта Вольга паведаміла, што прычынай смерці стала сардэчная недастатковасць. Грэчка памёр у шпіталі.
Свой першы палёт у космас ён здзейсніў у студзені-лютым 1975 года на касмічным караблі "Саюз-17". Другі палёт адбыўся праз два гады, са снежня 1977 да сакавіка 1978 года, на караблі "Саюз-26", ён быў рэкордным паводле працягласці для свайго часу.
Трэцім разам Грэчка пабываў у космасе з 17 да 26 верасня 1985 года.
Усе тры палёты ён здзейсніў у якасці бортінжынера.