Беларус вёз з Украіны рарытэтную калекцыю грошай
18- 1.05.2017, 9:59
- 23,600
Каштоўны груз на заднім сядзенні аўто выявілі ўкраінскія памежнікі.
Жытомірскія памежнікі супольна з супрацоўнікамі Дзяржаўнай фіскальнай службы Украіны канфіскавалі ў 61-гадовага беларуса калекцыю старых грошай, якія ён спрабаваў вывезці з украінскай тэрыторыі ў Беларусь.
«Пры правядзенні кантрольных мерапрыемстваў праваахоўнікі на заднім сядзенні аўтамабіля сярод асабістых рэчаў выявілі 170 старадаўніх грашовых купюр рознага наміналу перыяду царскай Расеі і Савецкага саюза, 1000 старадаўніх манет і жэтонаў і 500 значкоў і эмблем часоў СССР», - паведамілі «Радыё Свабода» ў адміністрацыі Дзяржаўнай памежнай службы.
Украінскія памежнікі праінфармавалі пра гэты выпадак Службу бяспекі Украіны ў Жытомірскай вобласці, а канфіскаваныя банкноты, манеты, жэтоны, значкі і эмблемы накіравалі на экспэртызу для вывучэння іх гістарычнай і культурнай каштоўнасці.