Reuters: Былая жонка Пуціна зарабляе на арэндзе гістарычнай нерухомасці ў Маскве
16- 19.05.2017, 17:34
- 30,625
Экс-першая лэдзі зарабляе мільёны даляраў.
Экс-жонка прэзідэнта РФ Уладзіміра Пуціна Людміла пад прозвішчам Шкрабнёва з'яўляецца ўладальніцай фірмы, якая атрымлівае прыбытак ад здачы ў арэнду нерухомасці ў Маскве, піша gordonua.com.
Былая жонка прэзідэнта РФ Уладзіміра Пуціна Людміла датычная да фонду, які валодае гістарычнай нерухомасцю ў Маскве і зарабляе на гэтым мільёны даляраў. Пра гэта паведамляе Reuters.
Агенцтва піша, што будынак, які належыць Цэнтру развіцця міжасобасных дачыненняў, быў рэканструяваны пры садзейнічанні людзей, звязаных з Пуціным.
Гаворка ідзе пра будынак на вул. Ваздвіжанка, вядомы як Дом князя Мікалая Валконскага. Будынак, які перабудавалі ў 2013 годзе, страціў сваё гістарычнае аблічча, яму надбудавалі яшчэ два паверхі, павялічыўшы паверхавасць да чатырох.
Арандатары памяшканняў у Доме Валконскага плацяць арэндную плату кампаніі «Мерыдыян», 99% якой належыць фірме «Інтэр’ерсэрвіс». Паводле інфармацыі Reuters, «Інтэр’ерсэрвіс» з 2014 года поўнасцю належыць Людміле Шкрабнёвай. Гэта і ёсць экс-жонка Пуціна. Шкрабнёва - яе дзявочае прозвішча.
Паводле здагадак агенцтва, прыбытак «Мерыдыяна» ад здачы ў арэнду памяшканняў у маскоўскай уласнасці склаў у 2015 годзе 225 млн рублёў.
6 чэрвеня 2013 года Пуцін і ягоная жонка Людміла прызналіся, што перажылі «цывілізаваны развод».
Цэнтр развіцця міжасобасных камунікацый узначальвае Артур Ачарэтны, чыё прозвішча, паводле звестак выдання «Суразмоўца», носіць экс-першая лэдзі.