У Янаве ўшанавалі сьвятога Андрэя Баболю

20 траўня ў Янаве (Іванава) прайшлі традыцыйныя ўрачыстасьці ўшанаваньня апекуна Пінскай дыяцэзіі сьвятога Андрэя Баболі.

Урачыстасьці ўзначаліў біскуп Пінскі Антоні Дзямʼянка, перадае «Радыё Свабода».

Вернікі ўзялі ўдзел у працэсіі ад «Крыжоў Адзінства», месца на ўскраіне гораду, дзе распачаўся пакутніцкі шлях сьвятога Андрэя Баболі, да санктуарыя, які знаходзіцца на месцы, дзе сьвяты мучанік быў закатаваны. Паводле біскупа Дзямʼянкі, узгадваюцца падзеі, якія адбываліся 360 гадоў таму.

Завершылася ўшанаваньне імшой з удзелам духавенства і вернікаў з розных парафій Пінскай дыяцэзіі.