Лекары назвалі тры самыя галоўныя для доўгага жыцця фактары

Фактары, якія з'яўляюцца вызначальнымі для працягласці жыцця, могуць падпарадкоўвацца нашаму ўласнаму кантролю.

Сярод іх ёсць тры найбольш значныя паводле свайго ўплыву. Такую заяву зрабіла аўтарытэтны псіхіятр з ЗША Джулія Самтан, піша healthyliving.com.ua.

Адным з самых істотных для даўгалецця фактараў, са слоў Самптан, з'яўляецца збалансаванае харчаванне. Цэлы шэраг навуковых даследаванняў паказвае, што падаўжэнню жыцця эфектыўна спрыяе харчаванне паводле прынцыпу міжземнаморскай дыеты, адзначыла псіхіятр. Гэты тып рацыёну прадугледжвае ўжыванне ў вялікай колькасці свежай гародніны, рыбы, птушкі, аліўкавага і бабовага алеяў, а таксама зерневых прадуктаў. Выкананне гэтага прынцыпу дазваляе захоўваць добрае здароўе і ва ўзросце 70 гадоў.

Але для доўгага і паўнавартаснага жыцця людзям варта не толькі сачыць за тым, што яны ядуць, заявіла экспэрт. Іншай важнай умовай для падтрымання жыццёвай энэргіі з'яўляецца фізічная актыўнасць, прычым, бесперапынная - чалавек павінен рухацца, хадзіць, рабіць нейкія фізічныя практыкаванні штодня.

Трэцім спрыяльным для даўгалецця фактарам, якім можна кіраваць, з'яўляецца стабільны эмацыйны стан, перакананая псіхіятр. Таму вельмі важна выхоўваць у сабе звычкі, якія дазваляюць рэагаваць на абставіны навакольнага жыцця без шкоды для нервовай сістэмы, - гэта пакідае нашмат менш шанцаў сутыкнуцца з узроставымі захворваннямі, звязанымі са згасаннем кагнітыўнай дзейнасці.