Намеснік кіраўніка МУС Украіны: Павел Шарамет знаходзіўся ў апазіцыі да ўладаў Беларусі і РФ
2- 23.05.2017, 17:12
- 17,322
На прысутнасць расейскага следу ў справе аб забойстве вядомага журналіста паказвае большасць довадаў.
Следства разглядае дачыненне спецслужбаў Расеі і іншых постсавецкіх дзяржаў да забойства ў Кіеве журналіста Паўла Шарамета. Пра гэта ў праграме «Левы бераг з Соняй Кошкінай» сказаў намеснік міністра ўнутраных спраў Украіны Вадзім Траян, піша gordonua.com.
«Адна з ключавых версій - прысутнасць расейскага следу, і на гэта паказвае большасць довадаў», - заявіў ён.
Выканаўцы забойства маглі быць накіраваныя ў Кіеў праз іншыя краіны СНД, адзначыў Траян.
«Следства адназначна будзе звязваць забойства з прафесійнай дзейнасцю Шарамета, бо ён быў у апазіцыі і да расейскага прэзідэнта, і да беларускага, такія рэчы ўжо не будуць выключацца», - паведаміў намеснік кіраўніка Нацпаліцыі.
Шарамет загінуў раніцай 20 ліпеня 2016 года ў Кіеве ў выніку выбуху аўтамабіля.