Аршанскі пратэжэ Лукашэнкі «ачуняў», але маўчыць

Старшыня Аршанскага райвыканкама мае зносіны з прэсай праз свайго намесніка.

Старшыня Аршанскага райвыканкама Леанід Пянькоўскі ўжо ўчора быў і здаровы і браў удзел у выязным пасяджэнні ўрада, якое прайшло ў Аршанскім раёне.

Праўда, інтэрв'ю не даваў і «на камеры» не свяціўся. За мясцовую ўладу перад журналістамі адказваў ягоны намеснік Сяргей Пац.

Аднак на сайце ўрада ёсць фота, дзе выяўлены Леанід Пянькоўскі. Гэта менавіта ён трымаецца за аўтамабіль, піша сайт belaruspartisan.org.

Ніякіх новых падрабязнасцяў таго, чаму новы кіраўнік Воршы раптам настолькі знік, але праваахоўнікі запыталі дазвол у кіраўніцтва вобласці (ці наадварот) ўварвацца да яго ў дом, каб праверыць, што здарылася, не з'явілася.