Праз год «Белавія» зноў будзе лётаць у Ерэван
3- 24.05.2017, 21:58
- 16,512
Рэйс з Менска ў сталіцу Арменіі будуць выконваць двойчы на тыдзень.
«Белавія» зноў пачне лётаць у Ерэван пасля перапынку на адзін год. Рэйс з Менска ў сталіцу Арменіі (аэрапорт Звартноц) будуць выконваць двойчы на тыдзень: серадамі і нядзелямі, паведамляюць у прэс-службе авіякампаніі, піша tut.by.
Вылет з Менска - а 22.40 у сераду і нядзелю, прылёт у Ерэван а 02.45 паводле мясцовага часу на наступны дзень. З Ерэвана самалёт будзе вылятаць а 03.35 панядзелкамі і чацвяргамі, прылёт у Менск - а 05.45.
Час у палёце - 3 гадзіны 10 хвілін.
На рэйсы плануюць ставіць Embraer 175 на 76 крэслаў. Квіткі ў адзін бок - ад 114 еўраў (з Менска ў Ерэван) і ад 152 еўраў (з Ерэвана ў Менск), уключаючы таксы і зборы. За палёт туды-назад - ад 226 еўраў, уключаючы таксы і зборы.