Больш за 10 кіраўнікоў прадпрыемстваў АПК выкрылі ў хабарніцтве

У Беларусі выявілі злачынную схему, у якой удзельнічалі кіраўнікі прадпрыемстваў АПК.

Гаворка ідзе аб махінацыях, звязаных з ветэрынарнымі прэпаратамі і кармавымі дадаткамі.

Як паведамляе прэс-служба МУС, былі выяўленыя сістэмныя факты атрымання незаконных грашовых узнагарод кіраўнікамі шэрагу дзяржаўных прадпрыемстваў альбо з дзеллю ўласнасці дзяржавы за лабіяванне інтарэсаў камерцыйнай структуры, якая займаецца ветэрынарнымі прэпаратамі і кармавымі дадаткамі, пры укладанні ўгод на пастаўку прадукцыі і развязання пытанняў вяртання запазычанасці, якая ўтварылася.

Гэтай камерцыйнай структурай з'яўляўся адзін з найбуйнейшых камерцыйных вытворцаў і пастаўнікоў ветэрынарных прэпаратаў і кармавых дадаткаў – кіроўная кампанія холдынгу «АФМ» і гаспадарчых суб'ектаў, што ў яго ўваходзяць. Структура пастаўляла прадукцыю для патрэб дзяржаўных сельскагаспадарчых прадпрыемстваў краіны завышанымі ў 3-5 разоў коштамі.

Сума хабараў складала 5-8% ад тавараабарачэння з прадпрыемствамі аграпрамысловага комплексу, хабар фармавалі шляхам атрымання наяўных грашовых сродкаў кампаніі шляхам вываду на падкантрольныя суб'екты гаспадарання на тэрыторыі замежных дзяржаў і таму яны могуць складаць агулам больш за 1 млн даляраў ЗША за апошнія два гады. Толькі за красавік гэтага года зафіксаваная сума хабараў на ўсіх удзельнікаў злачыннай групы склала не менш за 6,5 тысячы даляраў, канчатковая сума хабараў будзе высвятляцца падчас следства.

Праваахоўнікі паведамілі, што грошы перадавалі кіраўнікі камерцыйнай арганізацыі альбо на іх загад падначаленыя работнікі.

Пры чарговай перадачы грошай затрымалі на месцы злачынства мэнэджара гэтай камерцыйнай структуры, які ў змове з кіраўнікамі перадаў першаму намесніку старшыні ўправы Белкаапсаюза грашовую ўзнагароду за гарантаванне своечасовай аплаты за прадукцыю, якая пастаўляецца суб'ектам гаспадарання, падначаленым Белкаапсаюзу.

Следчы камітэт пачаў 15 крымінальных спраў за дачу хабару (арт. 431 КК) у дачыненні да службовых асоб гэтай камерцыйнай структуры, а таксама за атрыманне хабару (арт. 430 КК) у дачыненні да службовых асоб шэрагу дзяржаўных прадпрыемстваў аграпрамысловага комплексу: КУП «Гроднамясамалпрам», ААТ «Слонімскі мясакамбінат», ААТ «Жодзіна Аграплемэліта», ААТ «Вілейскі камбікормавы завод», КУП «Мінская гароднінная фабрыка», ААТ «Смалявіцкі райаграсервіс», Барысаўскі камбінат хлебапрадуктаў.

10 асобам выстаўленае абвінавачванне і ў дачыненні да іх прыменена мера стрымання ў выглядзе ўзяцця пад варту, яшчэ 5 асоб прыцягнутыя ў якасці падазроных.

Некаторыя з вышэйпералічаных раскаяліся ў зробленым і прызналі сваю віну.