Дырэктар МТЗ пракаментаваў чуткі аб сваім прызначэнні кіраўніком Менскай вобласці

Паведамлялася, што Фёдар Дамаценка можа заняць крэсла Шапірыа.

На імпрэзе, прысвечанай 71-годдзю Менскага трактарнага завода, дырэктар прадпрыемства Фёдар Дамаценка адказаў на пытанні журналістаў, піша tut.by.

Каментуючы інфармацыю аб тым, што яму прадракаюць пост кіраўніка Менскага аблвыканкама, дырэктар МТЗ распавёў журналістам, што афіцыйна з ім гэтае пытанне не абмяркоўвалася.

- Я не маю тэмы для размовы, таму я нічога не ведаю. Куды пашле кіраўнік дзяржавы, там і буду працаваць.

Акрамя таго Фёдар Дамаценка распавёў, як ставіцца да жадання «Амкадора» вырабляць аўтатрактарную тэхніку (нагадаем, у новы завод плануюць укласці 300-350 млн даляраў).

- Гэта аблуднае меркаванне пра «Амкадор». Гэта шарнірна-спалучаная канструкцыя ў дыяпазоне 300 к.с. (напэўна, гаворка ідзе пра трактары з шарнірна-спалучанай («ламанай») рамай - заўвага), якая не мае ніякага дачынення да трактарнага заводу.