Тысячы вернікаў выйшлі на вуліцы Менска
16- 28.05.2017, 12:23
- 19,827
У Менску прайшла святочная працэсія «Божага Цела».
Сёння ў Менску прайшла вулічная працэсія, прысвечаная каталіцкаму рэлігійнаму святу «Божага Цела», паведамляе «Радыё Свабода».
Вулічную працэсію, прысвечаную гэтаму святу, Каталіцкі касцёл традыцыйна праводзіць у канцы траўня з пачатку 1990-х гадоў. Штогод у ёй удзельнічаюць тысячы вернікаў. Працэсія рухаецца вуліцамі Менску ад касцёла Святой Тройцы на вуліцы Залатая Горка і да касцёла Панны Марыі на плошчы Свабоды.
Сёлета працэсія была прысвечаная 100-м угодкам з’яўлення Божай Маці ў Фаціме, якое адзначае Каталіцкая царква ва ўсім свеце. Працэсія будзе спыняцца і маліцца каля чатырох алтароў, усталяваных на вуліцах горада. Шэсце прадоўжалась блізу пяці гадзінаў.