Віцэ-прэм'ер Жарко назваў графік «пад Колю» аптымальным

Чыноўнік абвінаваціў не згодных з «рэформай» бацькоў і настаўнікаў у пераследзе сваіх мэтаў.

Намеснік прэм'ер-міністра Васіль Жарко ўважае, што 9 гадзін раніцы – аптымальным часам для пачатку заняткаў у школах, паведаміў пра гэта ў эфіры тэлеканала АНТ, піша БелТА.

«Што тычыцца пачатку заняткаў з 9 гадзін, тут мусіць быць разуменне, якая мэта гэтага новаўвядзення. Бацькі пераследуюць сваю мэту, настаўнікі - сваю, мы ж павінны думаць перш за ўсё пра здароўе дзяцей, - адзначыў Васіль Жарко. - Дзіця павінна высыпацца, і прыходзіць у школу поўнае сіл. Таму 9 гадзін - самы аптымальны час».

Віцэ-прэм'ер таксама звярнуў увагу на меркаванне фізіёлагаў і педыятраў, якія мяркуюць, што пік максімальнай актыўнасці дзіцяці пачынаецца з 10 гадзін раніцы і доўжыцца да 14 гадзін.

«Мы правялі аналіз магчымасці школ пачынаць ўрокі з 9 гадзін, 82% гатовыя гэта зрабіць - гэта вясковыя школы і школы, якія працуюць у адну змену. Яшчэ 15-17% школ гатовыя пачаць ўрокі а 8.30», - сказаў Васіль Жарко.

Намеснік прэм'ер-міністра таксама распавёў пра ход стварэння новых падручнікаў. «У Міністэрстве адукацыі праводзіцца мэтанакіраваная работа ў падрыхтоўцы новых падручнікаў, а таксама ў змяненні і карэкціроўцы навучальных праграм. Частка падручнікаў будзе выпушчана сёлета, таму што трэба выпусціць шмат падручнікаў, і за адзін год іх усе не выпусціць: трэба стварыць творчыя калектывы», - растлумачыў ён.