Важнага чыноўніка з Рагачова прысудзілі да трох гадоў турмы

Першага намесніка старшыні Рагачоўскага райвыканкама абвінавацілі ў карупцыі.

Суд Рагачоўскага раёна вынес прыгавор у дачыненні да былога першага намесніка старшыні Рагачоўскага райвыканкама за ўчыненне карупцыйнага злачынства, паведамілі БелТА ў прэс-службе Гомельскага абласнога суда.

Мужчына прызнаны вінаватым паводле ч.3 арт. 426 КК (перавышэнне ўлады і службовых паўнамоцтваў). Яму прызначана тры гады пазбаўлення волі з адбываннем пакарання ў калоніі ўзмоцненага рэжыму без канфіскацыі маёмасці з пазбаўленнем права займаць пасады, звязаныя з ажыццяўленнем функцый прадстаўніка ўлады і выкананнем арганізацыйна-распарадчых абавязкаў, на тэрмін тры гады.

Прысуд у законную сілу не ўвайшоў і можа быць абскарджаны і апратэставаны на працягу 10 дзён.

Як паведамлялася раней, займаючы пасаду першага намесніка старшыні - начальніка ўпраўлення сельскай гаспадаркі і харчавання, мужчына даваў указанні кіраўнікам прадпрыемстваў раёна аб перадачы яму матэрыялаў для будаўніцтва асабістага домаўладання па відавочна заніжаных цэнах, а таксама аказанні і выдаванні паслуг без поўнай аплаты.