Ва Украіне арыштавалі акцыі «Газпраму»

Прычынай для арышту каштоўных папер стаў неаплачаны расейскім манапалістам штраф.

Расейскі газавы манапаліст «Газпрам» 12 траўня атрымаў праз прадстаўніцтва ў Кіеве пастановы Дэпартамента дзяржаўнай выканаўчай службы Міністэрства юстыцыі Украіны аб адкрыцці выканаўчай вытворчасці на суму 189,125 млрд грн (паводле курса на 31 сакавіка 2017 года 394,687 руб.), уключаючы суму выканаўчага збору 17,193 млрд грн (паводле курса на 31 сакавіка 2017 году - 35,881 руб.), і накладанні арышту на акцыі АТ «Газтранзіт», якія належаць кампаніі, паведамляе gazeta.ru.

Акрамя гэтага ўкраінскія ўлады адкрылі выканаўчыя вытворчасці на суму 189 125 млн грыўняў (паводле курса на 31 сакавіка 2017 года - 394 687 млн руб.), уключаючы суму выканаўчага збору 17 193 млн грыўняў (паводле курса на 31 сакавіка 2017 года - 35 881 руб.).

«Газпрам вывучае магчымасці для далейшай абароны сваіх правоў», - паведаміў прэс-сакратар кіраўніка кампаніі Аляксея Мілера Сяргей Купрыянаў.

«Газтранзіт» - афіляванае з «Газпрамам» прыватнае акцыянернае таварыства, па 40,2% яго акцый належаць «Газпраму» і «Нафтагазу Украіны», яшчэ 19,6% валодае турэцкі «Турусгаз».

«Газтранзіт» ствараўся як аператар газатранспартнай сістэмы Украіны для паставак газу ў Турцыю і на Балканы.

Прычынай для арышту каштоўных папер стаў штраф, які Антыманапольны камітэт Украіны выпісаў расейскаму газаваму канцэрну за злоўжыванне манапольным становішчам на рынку транзіту газу на працягу 2009-2015 гадоў.