Ля базілікі Нотр-Дам невядомы напаў з малатком на паліцыянта
- 6.06.2017, 18:27
- 6,554
Іншы супрацоўнік праваахоўных органаў адкрыў па нападніку страляніну з табельнай зброі.
Парыжская паліцыя паведаміла пра напад на аднаго з яе супрацоўнікаў блізу базілікі Нотр-Дам у аўторак, 6 чэрвеня. Супрацоўнік паліцыі, на якога быў учынены напад, стрэліў у невядомага, які напаў з малатком і параніў яго. Прадстаўнік паліцыі паведаміў агенцтву АР, што нападніка шпіталізавалі, паведамляе «Нямецкая хваля».
Праваахоўныя органы праводзяць аперацыю вакол будынка базілікі і просяць мінакоў не набліжацца да ачаплення тэрыторыі. Турысты масава пакідаюць Сітэ, паведамляе французская тэлевізія.
Генпракуратура пачала расследаванне паводле справы аб нападзе на супрацоўніка паліцыі.