На менскім заводзе працоўны дзень скарацілі да 48 хвілін
9- 8.06.2017, 11:46
- 19,419
У спробах уладаў схаваць беспрацоўе даходзіць да абсурду.
У Беларусі трэба дакладна агаварыць, што такое істотнае змяненне ўмоў працы, не прыняўшы якое чалавек можа расстацца з працадаўцам без выплаты дапамогі, мяркуе старшыня федэрацыі праўладных прафзвязаў Міхаіл Арда. «Праз размытасць фармулёвак працадаўцы часам, мякка кажучы, паводзяць сябе непрыстойна», - сказаў прафзвязны лідар у інтэрв'ю sb.by.
- Прывяду прыклад. Летась на адным менскім заводзе 110 працаўнікам замест скарачэння ўстанавілі працягласць працоўнага дня 48 хвілін. З 8.00 да 8.48. Адпаведна, і заробак капейкі. Такім чынам чалавека штурхаюць да звальнення на ўласнае жаданне без усялякіх выплат, - расказаў Міхаіл Арда.