Азербайджанская журналістка абняславілася сэлфі з Лукашэнкам

Нарміна Агасі зрабіла сэлфі з дыктатарам падчас Сусветнага кангрэса расейскай прэсы 12 ліпеня.

Журналістка паставіла фота на вокладку сваёй старонкі ў Фэйсбуку, пасля чаго, са слоў Агасі, яна атрымала папрокі і пагрозы.

«Маё сэлфі з Лукашэнкам, выклікала незвычайны ажыятаж у коле калег-журналістаў, якія сабраліся на XIX Сусветны кангрэс расейскай прэсы, пасля чаго я не спала ўсю ноч. На мой адрас пасыпаліся папрокі і пагрозы. Чаго я толькі не пачула ў той дзень. Не хачу згадваць імёны «герояў п'есы» і іх рэплікі»- напісала журналістка на сваёй старонцы пад здымкам з газетай.