Дзе таннейшыя прадукты – у Менску або ў Кіеве?
21- 20.07.2017, 15:25
- 11,549
Журналісты параўналі кошты на базавыя прадукты ў менскіх і кіеўскіх крамах.
Даражэй за ўсё ў Менску каштуюць свініна і памідоры. Кошты на хлеб і малако ў менскіх крамах меншыя. А алей, цукар і соль танней набываць у Кіеве. Амаль аднолькава каштуюць кефір, грэчка і мука.
Вось параўнальная Інфаграфіка «Свабоды» з коштамі ў далярах ЗША.
Розніца ў коштах на свініну самая значная. У менскай краме яна даражэйшая на 1 даляр і 20 цэнтаў.
Памідоры ў менскай краме даражэйшыя на 60 цэнтаў, гэта 1 рубель і 20 капеек.
У Кіеве хлеб каштуе даражэй на 20 цэнтаў.
Кошты на малако з аднолькавым адсоткам тлушчу ў Менску і ў Кіеве значна адрозніваюцца. Так, у менскай краме малако таннейшае на 38 цэнтаў.
А вось кефір у Менску і Кіеве каштуе амаль аднолькава. Розніца складае толькі 3 цэнты.
Алей у Менску даражэйшы на 14 цэнтаў.
Цукар у Кіеве каштуе танней на 7 цэнтаў.
У менскай і кіеўскай крамах журналісты знайшлі аднолькавую соль украінскага вырабу. У Менску яна даражэйшая амаль у 2 разы.
Грэчка ў Менску і Кіеве каштуе амаль аднолькава. Розніца складае 5 цэнтаў.
Тое самае і з мукой. Розніца 6 цэнтаў.