У Менску «па бясплатную касметычку» займалі чэргі з 5-й раніцы

У сталіцы адчыніўся буцік амерыканскай касметыкі.

Cёння а 10-й раніцы ў Galleria Minsk адчыніўся буцік амерыканскай касметыкі NYX. Гаспадары крамы абяцалі першым сотням пакупнікоў касметычку, базу пад цені, палетку карычневых ценяў і памаду, піша citydog.by.

У анонсавай навіне мы раілі прыходзіць крыху раней, але хто ж думаў, што займаць чаргу трэба ажно так рана. Мяркуючы паводле каментароў у Instagram, чарга з сотняў людзей да Galleria Minsk стала выбудоўвацца рана-ранкам. Пад сваёй фатаграфіяй Vika.Drozdik напісала: «І гэта 7:30 раніцы, некаторыя з 5 стаяць, жах. Гэта трэш, хлопцы. Я не змагла, я не выстаяла».

А тыя, каму пашанцавала і каму хапіла сілаў, атрымалі-такі падарункі.