Супрацоўнікам «Атланта» будуць плаціць $3 за дзень
87- 24.07.2017, 13:10
- 19,756
Прадпрыемствы пераводзяць на «асаблівы» графік.
Як стала вядома udf.by, спыняецца, сярод іншых, Баранавіцкі станкабудаўнічы завод – адно з найбуйнейшых прадпрыемстваў горада.
«Нам паведамілі, што мы не будзем працаваць 31 ліпеня, 1 і 2 жніўня. За гэтыя дні будуць выплачваць дзве траціны тарыфнай стаўкі. Іншымі словамі прыкладна 6 рублёў за дзень», – распавялі супрацоўнікі станкабудаўнічага завода.
Яны непакояцца, што прастой можа доўжыцца і пасля 2 жніўня.
«Людзі ў асноўным атрымліваюць 300–400 рублёў. Заробкі і так невялікія, а з прастоямі і зусім стануць мізэрнымі. Нам кажуць, што няма заказаў і грошай на набыццё сыравіны», – распавялі супрацоўнікі прадпрыемства.
Тым часам супрацоўнік Менскага завода халадзільнікаў паведаміў Charter97.org, што на сталічным прадпрыемстве прастой доўжыцца два тыдні: з 24 ліпеня да 7 жніўня.
«Гэта прэцэдэнт. Звычайна лета – гэта гарачая пара для завода. А тут такое... Баюся ўявіць, што будзе восенню, зімой. Загад даюць на подпіс у апошні дзень, хоць абавязаныя за месяц. Заробак за год зваліўся з 600 да 450 рублёў», – напісаў супрацоўнік ЗАТ «Атлант».