Датэрміновыя выбары прэзідэнта і парламента - выхад з крызісу
71- 26.07.2017, 9:51
- 23,674
Апазіцыя патрабуе правядзення датэрміновых выбараў пад міжнародным кантролем.
Толькі сапраўды абраная народам і падкантрольная яму ўлада здольная правесці даўно наспелыя рэформы і вывесці краіну з крызісу.
Пра гэта гаворыцца ў заяве Рады Беларускага Нацыянальнага Кангрэсу, прынятай 21 ліпеня. Прыводзім тэкст дакумента цалкам:
Заява Рады БНК
«Датэрміновыя сумленныя выбары прэзідэнта і парламента - адзіны шлях выхаду з крызісу»
Рада БНК патрабуе ад рэжыму правядзення датэрміновых сумленных выбараў парламента і прэзідэнта пад міжнародным кантролем.
Беларускі народ стаміўся ад «выбарчых» фікцый з загадзя вызначанымі вынікамі, якія замест сумленных выбараў рэгулярна праводзіць рэжым. У выніку адукацыйны ўзровень і інтэлектуальны патэнцыял цяперашняй улады, асабліва яе кіраўніка, істотна ніжэйшы за ўзровень адукацыі і інтэлектуальнага патэнцыялу грамадства. Бяздарныя і незаконныя кіраўнікі загналі краіну ў глыбокі крызіс.
Толькі сапраўды абраная народам і падкантрольная яму ўлада здольная правесці даўно наспелыя рэформы і вывесці краіну з крызісу. Мы поўныя рашучасці і надалей ціснуць на рэжым, каб прымусіць яго вярнуць народу скрадзеныя сапраўдныя выбары.
Улада - народу!
Жыве Беларусь!