Мянчук кідаўся на мінакоў з нажом: два чалавекі пацярпелі
6- 26.07.2017, 11:40
- 13,777
25-гадоваму мужчыну пагражае да 10 гадоў пазбаўлення волі.
Супрацоўнікі міліцыі затрымалі 25-гадовага менчука, які з нажом напаў на двух мужчын, паведамляецца на сайце ГУУС Менгарвыканкама.
На адной са сталічных вуліц у мужчыны праз малазначную падставу паўстаў канфлікт з двума мінакамі.
«Каб працягнуць, ён дастаў з сумкі нож і пачаў кідацца на гэтых мужчын. Аднаму зламыснік глыбока парэзаў руку, другога ўдарыў. У канфлікт умяшаліся супрацоўнікі АМАП. Яны затрымалі хулігана і надалі першую медыцынскую дапамогу пацярпелым, а пасля перадалі іх работнікам хуткай дапамогі», - паведамілі ў ГУУС.
Таксама праваахоўнікі адзначаюць, што затрыманы быў раней судзімы. За ўчыненне асабліва злоснага хуліганства ў дачыненні да мужчыны распачатая крымінальная справа паводле ч.3 арт.339 КК Беларусі. Яго санкцыя прадугледжвае максімальнае пакаранне да 10 гадоў пазбаўлення волі.