Менск прапусціў самалёт Рагозіна ў адрозненні ад Румыніі ды Вугоршчыны
37- 28.07.2017, 18:50
- 20,776
Самалёт з віцэ-прэм'ерам РФ на борце, які накіроўваўся ў Кішынёў, прызямліўся ў Беларусі.
Самалёт авіякампаніі S7 з віцэ-прэм'ерам РФ Дзмітрый Рагозін на борце, які рухаўся ў Кішынёў, прызямліўся ў Менску, паведамляе «Эхо Москвы».
Паветранае судна не прапусцілі ўлады Вугоршчыны ды Румыніі.
Са слоў расейскага чыноўніка, цяпер абмяркоўваюцца дэталі і час дастаўкі пасажыраў самалёта.
Мяркуючы са звестак сэрвісу Flightradar24, які дазваляе адсочваць рух самалётаў у рэальным часе, судна развязнулі ў паветранай прасторы Вугоршчыны паблізу мяжы з Румыніяй, пасля чаго яно накіравалася зваротным маршрутам і зрабіла пасадку ў Беларусі, адзначае «Гордон».
S7 Airlines flight #S7157 is diverting to Minsk to get more fuel. Flight was probably denied entry into Romanian airspace. pic.twitter.com/TmdrtDqKQh
— Flightradar24 (@flightradar24) 28 июля 2017 г.
У Малдове чыноўнік расейскага ўрада павінен быў сустрэцца з прэзідэнтам гэтай краіны Ігарам Дадонам.
Складанасці ў пасажырскага рэйса, якім ляцеў Рагозін, паўсталі яшчэ пры вылеце з Масквы. Перад вылетам чыноўнік паведаміў у Facebook, што ўлады Малдовы спрабуюць адмовіць у прыёме самалёта.
Румынские власти подвергли опасности жизни пассажиров рейсового самолета S7, женщин и детей. Топлива хватило до Минска. Ждите ответа, гады https://t.co/FC1C0wmBHp
— Дмитрий Рогозин (@Rogozin) 28 июля 2017 г.
