СБУ затрымала пастаўшчыка расейскай зброі на Данбас

Баявік па прозвішчы Сяменчанка распавёў, што паўднёвы-ўсход Украіны даслоўна наводнены кадравымі афіцэрамі РФ.

Таксама атрыманыя дакументы аб пастаўках зброі, запэўнівае контрразведка.

Супрацоўнікамі СБУ быў затрыманы кіраўнік службы ракетна-артылерыйскага ўзбраення аднаго з батальёнаў «войска ЛНР» Сяргей Сяменчанка. Пра гэта гаворыцца ў сюжэце ТСН.

Затрымалі Сяменчанку, калі ён па сямейных абставінах выехаў з непадкантрольнай тэрыторыі Данбаса. Мужчына каардынаваў прыём зброі з Расеі і яе выдачу сепаратыстам «ЛНР». Пасля затрымання суд арыштаваў Сяменчанку на два месяцы.

Журналісты распавядаюць, што затрыманы супрацоўнічае са следствам, нават падаў дакументы, якія пацвярджаюць, што баевікі на Данбасе ваююць з расейскай зброяй. Больш за тое, ён пацвердзіў, што кіруюць баявікамі таксама расейцы.

Са слоў Сяменчанкі, ён меў зносіны са шматлікімі кадравымі афіцэрамі Расейскай Федэрацыі - начальнікам штаба, намеснікам баявой падрыхтоўкі, намеснікам па ўзбраенні. Ён распавёў, што ва Украіну тыя прыбываюць пад чужымі прозвішчамі і з «дакументамі» «ЛНР».