Максім Вінярскі: Чым больш нас - тым гучней нас чуваць!
- 9.07.2017, 21:08
- 10,769
Важны кожны голас, пададзены ў падтрымку тых, хто за кратамі.
Каардынатар грамадзянскай кампаніі «Еўрапейская Беларусь» Максім Вінярскі падзякаваў усім удзельнікам менскай акцыі 7 ліпеня.
«Вялікі дзякуй усім, хто знайшоў магчымасць і здолеў падтрымаць акцыю 7 ліпеня. У свой час вядомы змагар за правы чалавека Марцін Лютар Кінг сказаў: «У канцы ўсяго мы будзем памятаць не абразы нашых ворагаў, а маўчанне нашых сяброў». Гэта сапраўды так.
Важны кожны голас, узняты ў падтрымку тых, хто за кратамі. Чым больш нас - тым гучней нас чуваць, але ніводзін вокліч у абарону і падтрымку таго ці іншага вязня - ніколі не будзе марным. Жыве Беларусь!», - напісаў Максім Вінярскі на сваёй старонцы ў «Фэйсбуку».