Аляксандра Герасіменя выйшла замуж

Вясельная цырымонія прайшла пад Стоўбцамі.

Плыўчыха Аляксандра Герасіменя выйшла замуж. Яе абранніка стаў калега, Яўген Цуркін. Пара ўжо досыць даўно сустракалася.

Фота вяселля, якое прайшло на аграсядзібе «Панскі маёнтак Сула» ў Стаўбцоўскім раёне, з'явіліся ўчора ў інстаграме іх сяброў.

Аляксандра Герасіменя - двухразовая віцэ-чэмпіёнка Алімпійскіх гульняў 2012 года (50 і 100 метраў вольным стылем), бронзавая прызёрка Алімпійскіх гульняў 2016 года (50 метраў вольным стылем), уладальніца залатых узнагарод чэмпіянатаў свету і Еўропы як на «доўгай вадзе» (басейн 50 м ), так і на «кароткай» (басейн 25 м).